هذي قصة واحد من جماعتنا كان من زمان يشتغل بنقل الأغراض الضروريه للمزارع عشان يكسب لقمة عيشه ويقول انه في يوم ارسلوه لمزرعه بعيييييييييييييييييييده وهو طبعًا يروح على الإبل وهو لما راح المزرعه وصل لها متأخر وشاف نفسه موب راجع الا متأخر وراح وخلص شغله ورجع بعد المغرب وشاف في طريقه خروف خروف كبييييييير يقول بحجم الثور وقال جاء رزقي لحد عندي وشال الخروف وكمل طريقه وهو بنص الطريق الخروف تكلم وقال ليش اخذتني هاه ليش ؟؟ والرجال من الخوف ترك الخروف ويوم جاء يمشي قال له الخروف رجعني للمكان اللي اخذتني منه بسرعه وقام الرجال ما عرف وش يسوي لو تركه لحقه الخروف ويمكن يذبحه واخذه ورجعه لنفس مكانه ورجع لأهله وسألوه ليش تأخرت؟؟ وينك؟؟ وين رحت؟؟ وقال لهم انا قصتي هي ان.... قال نفس السالفه اللي قريتوها قبل شوي . وقالوا له كذاب ونصاب وقالهم طيب روحوا لنفس المكان اللي رحت له تشوفون الخروف هناك وقال واحد خلاص انا بروح وبشوف صدقك من كذبك وراح لنفس المكان اللي قاله انه شاف الخروف فيه . وصدق شاف نفس الخروف والرجال ذا يظن ان هذاك كذاب والخروف ذا موب جني وشاله واخذه وتكلم معه وقال نفس اللي قاله للأول ورجع وخبرهم انه صادق ما قال شي كذب .
